علاش هكّة نتفرّجو في بعضنا وما نتحرّكوش! عيب رانا توانسة وجندوبة تابعة للجمهورية التونسية !!!
شوف نعرف إلّي الحرائق مالنوع هذا خاصّة في الصيف مخطرة برشا وصعيبة باش يطفّيوها وتخلّف دمار وأضرار فادحة ، صارت في الكيان الصهيوني وقعدت تشعل قرابة الأسبوع و اليونان وأمريكا وأستراليا... والدول هاذم عندهم إمكانيات رهيبة لمحاربة الحرائق فما بالك بدولة مريّشة كيما حالنا ما عندنا كان مسحة و كميونة مطفيش حتى عرف وقيد!!! لكن إلّي نطالبو بيه هو وينو التغطية والإتصال للمأساة إلّي يعيشوها أهلنا في الشمال الغربي ؟ وينو إعلان الطوارئ وتجنيد كلّ الموارد والإمكانيات؟ ناس تعيش من تربية الماشية ماتت أغنامهم وناس مكسبهم بيت فيها 12 كلاتها النار و...و موش وقتو توّة الحديث عن الإهمال لهذه المناطق وغيرها ولكن يا أخي أعملولنا حاجة نعاونو بيها : خطّ أخظر، حساب بنكي، أوريدو والتيليكوم يعملو SMS جندوبة بدينار ولاّ بلّي كتب !!! علاش هكّة نتفرّجو في بعضنا وما نتحرّكوش! عيب رانا توانسة وجندوبة تابعة للجمهورية التونسية!منقول :
Bilel Messaoudi